《廣童谣》

月光光照地唐
虾仔你乖乖训落床
听朝阿妈要赶插秧啰
阿爷睇牛佢上山岗喔……
虾仔你快高长大喔
帮手阿爷去睇牛羊喔……
月光光照地唐
虾仔你乖乖训落床
听朝阿爸要捕鱼虾啰
阿嬷织网要织到天光哦
虾仔你快高长大啰
划艇撒网就更在行哦
月光光照地唐
年三晚摘槟榔
五谷丰收堆满仓啰
老老嫩嫩喜喜洋洋呵
虾仔你快D眯埋眼啰
一觉训到大天光

落雨大，水浸街，阿哥担柴上街卖。
阿嫂出街着花鞋，花鞋花袜花腰带。

猜呈沉，
呈沉剪，
呈沉包，
呈沉糯米叉烧包；
老鼠唔食香口胶，
要食豆沙包。

氹氹转 菊花园
炒米饼 糯米团
五月初五系龙舟节呀
阿妈叫我去睇龙船
我唔去睇 我要睇鸡仔
鸡仔大 我拎去卖
卖得几多钱 卖得几多只呀
我有只风车仔
佢转得好好睇
睇佢氹氹转呀 氹氹转……